Bakının Nərimanov rayonunda yanğınla müşahidə edilən partlayış qeydə alınıb.
Lent.az APA-ya istinadən xəbər verir ki, hadisə Əliyar Əliyev küçəsində baş verib.
Həmin küçədə yerləşən "Sərin" restoranının yaxınlığından keçən qaz borusunda partlayışla müşahidə edilən yanğın başlayıb.
Yanğının söndürülməsi üçün əraziyə FHN-in Dövlət Yanğından Mühafizə Xidmətinin 4 briqadası cəlb edilib.
Alov ətrafa keçməsin deyə restoranın dam örtüyü sökülüb.
Əraziyə "Azəriqaz" İstehsalat Birliyinin əməkdaşları da cəlb edilib.
Yanğın tam söndürülüb.
Təhlükəsizlik məqsədilə küçədə hərəkət polislər tərəfindən dayandırılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
