Bakıda müğənnini döyüb qarət edənlərə AĞIR CƏZA
31 may 2024 15:16 (UTC +04:00)

Bakıda müğənnini döyüb qarət edənlərə AĞIR CƏZA

Elçin Zəka adı ilə tanınan müğənni Elçin Kişiyevə qarşı quldurluq etməkdə təqsirləndirilən Hökumə Əşrəfzadə, onun bacısı Rəhimə Əşrəfzadə, Heydər Əkbərov və Zeynal Yusifovun cinayət işi üzrə məhkəmə prosesi keçirilib.

Lent.az xəbər verir ki, bu gün Bakı Ağır Cinayətlər Məhkəməsinin hakimi Elnur Nuriyevin sədrliyi ilə keçirilən prosesdə prokuror ittiham nitqi ilə çıxış edib. 

Prokuror Zeynal Yusifovun 12 il 6 ay, Heydər Əkbərovun 11 il, Hökumə Əşrəfzadə və  Rəhimə Əşrəfzadənin hər birinin 10 il azadlıqdan mərhum edilməsini istəyib.

Növbəti proses iyunun 14-də davam edəcək.

İttihama görə, ötən il iyunun 6-da Bakı şəhərində Hökümə Əşrəfzadə, bacısı Rəhimə, tanışları Heydər Əkbərov və Zeynal Yusifov qabaqcadan əlbir olaraq Elçin Kişiyevin evinə qanunsuz girməklə quldurluq etmək barədə plan qurublar.

Belə ki, Rəhimə Əşrəfzadə Elçin Kişiyevlə əlaqə saxlayıb və gecə saat 23-dən sonra onun evində görüşmək üçün razılaşıblar. O, Zeynal Yusifovun idarə etdiyi avtomobil ilə həmin ünvana gəlib, görünməmək üçün girişdən aralıda dayanıblar.

Rəhimə Əşrəfzadə avtomobildən düşüb onu evdə gözləyən Elçin Kişiyevin yanına gedərək, bir müddət orada qalıb. O, ayaqyoluna getmək bəhanəsi ilə həyətə çıxaraq küçədə gözləyən qrupun digər üzvlərinə məlumat verib və evə qayıdandan bir neçə dəqiqə sonra Heydər Əkbərov, Zeynal Yusifov, onların ardınca Hökümə Əşrəfzadə evə daxil olublar.

Zeynal Yusifov silah qismində istifadə etdiyi bıçaqla həyatı və sağlamlığı üçün təhlükəli zor tətbiq ediləcəyi ilə hədələyərək Elçin Kişiyevə hücum edib, bədəninin müxtəlif nahiyələrinə yumruqla zərbələr vurub. Sonra Heydər Əkbərov və Zeynal Yusifovla Hökümə Əşrəfzadəni zorlamaqda ittiham edərək, yıxıldığı yerdə yumruq, eləcə də təpiklə Elçin Kişiyevi vurmaqda davam ediblər. Həmçinin zormalaya görə onu cəzalandırılacağını bildiriblər. Onu plastik qaytanla qollarını arxadan bağlayaraq divana oturdublar. Bədəninin müxtəlif nahiyələrinə vurduqları zərbələrin təsiri və bıçaqla qorxudaraq, Hökümə Əşrəfzadə ilə cinsi əlaqədə olduğunu ona etiraf etdirib danışmağa məcbur ediblər.

Heydər Əkbərov və Hökümə Əşrəfzadə telefonları ilə danışıqların videoçəkilişini aparıblar.

Daha sonra Elçin Kişiyevdən evdə olan pulların və qiymətli əşyaların yerlərini soruşaraq, ümumilikdə 4 min 835 manat məbləğində ziyan vurmaqla quldurluq ediblər.

Təqsirləndirilən şəxslərə qarşı Cinayət Məcəlləsinin 181.2.1-ci (quldurluq, qabaqcadan əlbir olan bir qrup şəxs tərəfindən törədildikdə), 181.2.3-cü (Quldurluq, yaşayış sahəsinə, habelə binaya, anbara və ya başqa saxlanc yerlərinə qanunsuz olaraq girməklə törədildikdə), 181.2.5-ci (Quldurluq, silah və ya silah qismində istifadə edilən əşyalar tətbiq edilməklə törədildikdə), 182.2.1-ci (hədə-qorxu ilə tələb etmə, qabaqcadan əlbir olan bir qrup şəxs tərəfindən törədildikdə), 182.2.2-ci (təkrar hədə-qorxu ilə tələb etmə), 182.2.3-cü (hədə-qorxu ilə tələb etmə, zor tətbiq etmə ilə törədildikdə) və 326.2-ci (vətəndaşın şəxsiyyət vəsiqəsini, pasportunu və ya digər mühüm şəxsi sənədini oğurlama) maddələri ilə ittiham irəli sürülüb.

1 2 3 4 5 İDMAN XƏBƏRLƏRİ
# 2790
avatar

Oxşar yazılar

Minik avtomobili Türkiyə TIR-ı ilə toqquşdu - Ölən var

Minik avtomobili Türkiyə TIR-ı ilə toqquşdu - Ölən var

21 iyun 2024 , 20:27
Kərim Kərimov  özünü ASDI

Kərim Kərimov özünü ASDI

21 iyun 2024 , 19:31
Sumqayıtda evdən 23 yaşlı oğlanın meyiti tapıldı

Sumqayıtda evdən 23 yaşlı oğlanın meyiti tapıldı

21 iyun 2024 , 19:26
Qubada çay daşdı,  evlərə ziyan dəydi

Qubada çay daşdı, evlərə ziyan dəydi

21 iyun 2024 , 19:10
Ağdaşda FACİƏ:   azyaşlı kanalda boğuldu

Ağdaşda FACİƏ: azyaşlı kanalda boğuldu

21 iyun 2024 , 18:59
Şəkidə uşaq bağçasında 105 min manatlıq  mənimsəmə

Şəkidə uşaq bağçasında 105 min manatlıq mənimsəmə

21 iyun 2024 , 17:07
Bakı həbsxanasında MƏHKUM ÖLDÜ

Bakı həbsxanasında MƏHKUM ÖLDÜ

21 iyun 2024 , 17:04
BDU-nun müəllimi faciəvi şəkildə öldü - YENİLƏNİB

BDU-nun müəllimi faciəvi şəkildə öldü - YENİLƏNİB

21 iyun 2024 , 15:19