Bakıda  DAVA:   Bir nəfər öldü, yaralananlar var - YENİLƏNİB
30 iyul 2023 07:58 (UTC +04:00)

Bakıda DAVA: Bir nəfər öldü, yaralananlar var - YENİLƏNİB

İyulun 29-da saat 23:00 radələrində 1 nəfərin kəsici-deşici xəsarətlərdən ölməsi, 2 nəfərin isə kəsici-deşici xəsarətlər alması barədə Suraxanı rayon prokurorluğuna məlumat daxil olub.

Lent.az xəbər verir ki, bub arədə Suraxanı Rayon Prokurorluğu məlumat yayıb.

İlkin araşdırma zamanı paytaxtın Suraxanı rayonu, Bülbülə qəsəbəsində yerləşən evlərdən birində qısqanclıq zəminində yaranmış mübahisə zamanı 1986-cı il təvəllüdlü Şahin Əhmədov, 1997-ci il təvəllüdlü İmamverdi Quluzadə və 1998-ci il tarixli Bəkir Qurbanovun bıçaq xəsarətləri alması, sonuncunun həmin xəsarətlər səbəbindən ölməsinə əsaslı şübhələr müəyyən edilib.

İmamverdi Quluzadə və Şahin Əhmədovun müalicəsi hazırda xəstəxanada davam etdirilir.

Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanaraq ibtidai istintaq aparılır.

***

Saat 06:57

İyulun 29-də saat 23 radələrində Suraxanı rayonu Yeni Ramana qəsəbəsində evlərin birində 1997-ci il təvəllüdlü Qənbərov Bəkir Qanbay oğulunun kəsilmiş-deşilmiş xəsarətlərdən ölməsi, 1997-ci il təvəllüdlü Quluzadə İmamverdi və 1987-ci il təvəllüdlü Əhmədov Şahininin xəsarət alması barədə polisə məlumat daxil olub.

DİN-in mətbuat xidmətindən Lent.az-a bildirilib ki, ilkin məlumata görə cinayət hadisəsi həmin şəxslər arasında şəxsi münasibətlər zəminində baş verib.

Araşdırma aparılır..

1 2 3 4 5 İDMAN XƏBƏRLƏRİ
# 3195
avatar

Oxşar yazılar