Biləsuvar rayon Polis Şöbəsi əməkdaşlarının keçirdikləri əməliyyat tədbiri nəticəsində Bakı şəhər sakini R.Adıgözəlovun idarə etdiyi “Toyota” markalı avtomobil Biləsuvar şəhəri ərazisində saxlanılıb.
Daxili İşlər Nazirliyindən Lent.az-a verilən məlumata görə, avtomobilə baxış zamanı oradan sürücü və sərnişinləri, paytaxt sakinləri R.Bilaliyə, İ.Xeyrullayevə və R.Ağasızadəyə məxsus ümumilikdə 4 kiloqram 250 qram heroin, habelə R.Ağasızadədən marixuana aşkar edilərək götürülüb.