Azərbaycanda yüksək rütbəli polis faciəvi şəkildə öldü - YENİLƏNİB

İsmayıllıda yol qəzasında ölənin kimliyi müəyyən olunub.

Lent.az xəbər verir ki, rayonun Qurbanəfəndi kəndində baş verən qəzada dünyasını dəyişən şəxs Qabil İsmayılovdur. O, ağır vəziyyətdə xəstəxanaya çatdırılsa da, həyatını xilas etmək mümkün olmayıb.

Məlumata görə, Q. İsmayılov polis polkovnik-leytenantı olub.

Həmçinin qəzada ölən digər şəxsin Dövlət Bədən Tərbiyəsi və İdman Akademiyasının tələbəsi Nurlan Nağıyev olduğunu yazmışdıq.

Hazırda faktla bağlı araşdırma aparılır.

***
26.12.2022

Saat: 01:18

İsmayıllı-Qəbələ avtomobil yolunda baş verən qəzada xəsarət alanlardan daha biri dünyasını dəyişib.

Lent.az xəbər verir ki, ağır xəsarət alan BMW markalı avtomobilin sürücüsü xəstəxanada keçinib.

***

18.57

Bu gün saat 15:30 radələrində İsmayıllı-Qəbələ avtomobil yolunun İsmayıllı rayonunun Qurbanəfəndi kəndi ərazisindən keçən hissəsində "BMW" və “Honda” markalı avtomobillər toqquşub.

DİN-in Mətbuat Xidmətinin Şəki regional qrupundan Lent.az-a verilən məlumata görə, nəticədə sonuncu nəqliyyat vasitəsindəki sərnişin, 2002-ci il təvəllüdlü Nurlan Nağıyev aldığı xəsarətlərdən xəstəxanada ölüb. Hadisə zamanı xəsarət alanlar isə xəstəxanaya yerləşdirilib.

Faktla bağlı Baş İstintaq və Təhqiqat İdarəsi tərəfindən araşdırma aparılır.