Baş Prokurorluğun Elm-Tədris Mərkəzinin sabiq rəisi, üçüncü dərəcəli ədliyyə müşaviri (general-mayor) Nazir Bayramov Əmək və Əhalinin Sosial Müdafiəsi Nazirliyini məhkəməyə verib.
Lent.az-ın əldə etdiyi məlumata görə, buna səbəb sabiq rəisin pensiyasının az hesablanmasıdır.
Belə ki, pensiyasının az hesablanmasından şikayət edən N. Bayramov ƏƏSMN barədə Bakı İnzibati Məhkəməsinə iddia qaldırıb. O, iddiasında prokurorluq orqanlarında qulluq keçmə haqqında qanunları əsas gətirərək pensiyasının düzgün hesablanmasını və artırılmasını tələb edib.
İyunun 28-də həmin məhkəmədə generalın iddiası qismən təmin edilib.
Lakin ƏƏSMN bu qərarla razılaşmayıb. Nazirlik buna görə də, avqustun 26-da həmin qərardan apelyasiya şikayəti verib.
Hazırda iş Bakı Apelyasiya Məhkəməsində araşdırılır.
Qeyd edək ki, general-mayor Nazir Bayramov 2021-ci ilədək Baş Prokurorluğun Elm-Tədris Mərkəzinin rəisi vəzifəsində çalışıb.
General-mayor Nazir Bayramov
edsdsds.jpg)
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
