11:47 27 yanvar 2021

Azərbaycanda bir ailənin 6 üzvü zəhərləndi - YENİLƏNİB

madeyra

"Qobustanda dəm qazından zəhərlənmə ilə xəstəxanaya gətirilən şəxslər hazırda evdədirlər". 

Bu barədə APA-ya Qobustan Rayon Mərkəzi Xəstəxanasının baş həkimi Emin Hüseyn bildirib. Onun sözlərinə görə, zəhərlənənlərə ambulator xidmət göstərilib: "Vəziyyətləri kafidir, həyatları üçün heç bir təhlükə yoxdur. Vaxtında tədbir görülüb".

***

10:25

Qobustan rayonunda dəm qazından kütləvi zəhərlənmə hadisəsi baş verib.

APA-nın yerli bürosunun xəbərinə görə, hadisə ötən gecə Qobustan şəhərinin Tofiq İsmayılov küçəsindəki 66 nömrəli mənzildə qeydə alınıb.

Rayon sakinləri, 18 yaşlı Rəhimli Zərifə İlham qızı, 14 yaşlı Rəhimli Elçin İlham oğlu, 6 yaşlı Rəhimli Elnur İlham oğlu, 39 yaşlı Rəhimova Rəna Əli qızı, 67 yaşlı  Rəhimova Qənifə Ağaşiraz qızı və 77 yaşlı Əkbərova Zivər Ağaşiraz qızı kustar üsulla quraşdırılan qızdırıcının nasazlığı səbəbindən mənzilə  dolan dəm qazından zəhərləniblər.

Ailə üzvləri Qobustan rayon Mərkəzi Xəstəxanasına aparılıb.

Faktla bağlı araşdırma aparılır.

# 867
avatar

Oxşar yazılar