Aliment ödəməyən "İmam Mehdi" MƏHKƏMƏYƏ VERİLDİ
05 oktyabr 2022 15:15 (UTC +04:00)

Aliment ödəməyən "İmam Mehdi" MƏHKƏMƏYƏ VERİLDİ

Özünü 12-ci "İmam Mehdi" kimi təqdim edərək 40 nəfərə qarşı dələduzluq etməkdə ittiham olunan Aqil Babayevin cinayət işi üzrə məhkəmə istintaqı davam edir.

Lent.az APA-ya istinadən xəbər verir ki, iş üzrə zərərçəkmiş kimi tanınmış Mehman Baxışzadə ilə bağlı istintaq materiallarında göstərilib ki, Mehman Baxızzadə ittiham olunan Aqil Babayevi "İmam Mehdi" kimi qəbul edib, ona ümumilikdə 10 min manat pul verib. Bundan əlavə o, təqsirləndirilən şəxsin evlərinin tikintisində iştirak etsə də, zəhmət haqqını ala bilmədiyini deyib. 

Zərərçəkmiş Aqil Babayevin sözü ilə birgə iki övladı olan həyat yoldaşından da ayrılıb: "İmam Mehdi söhbətlərinə görə həyat yoldaşım mənə gülürdü, bu barədə Aqilə danışandan sonra onun "şeytan" olduğunu deyərək ayrılmağı tövsiyə etdi. Bundan sonra həyat yoldaşımdan ayrılıb Aqilin sözüylə başqası ilə evləndim. Kəbinimizi də o kəsdi. Bu evlilikdən bir qız övladımız dünyaya gəlsə də, sonradan bəzi səbəblərdən boşandıq".

Mehman Baxışzadə üçüncü dəfə başqa qadınla evləndiyini, bu günə kimi də onunla birlikdə yaşadığını bildirib. İstintaq zamanı məlum olub ki, illərlə "İmam Mehdi"yə hər ay pul verdiyini iddia edən Mehman Baxışzadə birgə nikahdan dünyaya gələn qızına aliment vermədiyi üçün məhkəməyə verilib.

Zərərçəkmişin keçmiş həyat yoldaşı aliment tələbi ilə Xətai Rayon Məhkəməsində iddia qaldırıb. İddia ərizəsində Mehman Baxşızadənin övladının xərclərini ödəmədiyi, məcbur olub məhkəməyə müraciət etdiyi qeyd olunub.

Keçmiş həyat yoldaşı məhkəmədən aylıq 500 manat məbləğində aliment kəsilməsi ilə bağlı qərar qəbul edilməsini xahiş edib.

Mehman Baxşızadə məhkəmədə tikinti şirkətlərindən birində aylıq 300 manata usta işlədiyini deyərək, başqa uşaqlarına da baxmasını nəzərə almağı xahiş edib. Qərara əsasən, onun üzərinə aylıq 193 manat aliment ödəmək öhdəliyi qoyulub.

Xatırladaq ki, 2 milyon 500 min manat pulu dələduzluqla ələ keçirməkdə təqsirləndirilən Aqil Babayev Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsi tərəfindən həbs edilib.

Onun barəsində Cinayət Məcəlləsinin 178.4-cü (dələduzluq, külli miqdarda ziyan vurmaqla törədildikdə) maddəsi ilə ittiham elan edilib.

Aqil Babayev “ŞaurmaN1” restoranlar şəbəkəsinin şəriki olub.

# 1893
avatar

Oxşar yazılar

Xəzərdə bu canlılar kütləvi ölür

Xəzərdə bu canlılar kütləvi ölür

4 dekabr 2022 , 16:55
Azərbaycanda FACİƏ:   İki azyaşlı yanaraq öldü-YENİLƏNİB -FOTO

Azərbaycanda FACİƏ: İki azyaşlı yanaraq öldü-YENİLƏNİB-FOTO

4 dekabr 2022 , 16:04
Gəncədə xeyir-şər evdə partlayış-Xəsarət alan var -FOTO -YENİLƏNİB

Gəncədə xeyir-şər evdə partlayış-Xəsarət alan var-FOTO-YENİLƏNİB

4 dekabr 2022 , 15:23
Mövqelərimiz yenə atəşə tutuldu

Mövqelərimiz yenə atəşə tutuldu

4 dekabr 2022 , 10:11
Yataqxanada yanğın - Zəhərlənən var

Yataqxanada yanğın - Zəhərlənən var

4 dekabr 2022 , 09:00
Çoxmərtəbəli binada yanğın söndürüldü -VİDEO

Çoxmərtəbəli binada yanğın söndürüldü -VİDEO

4 dekabr 2022 , 08:39
Kişi özünü asdı, arvad xilas etdi

Kişi özünü asdı, arvad xilas etdi

4 dekabr 2022 , 03:40
61 yaşlı qadının meyiti evində tapıldı

61 yaşlı qadının meyiti evində tapıldı

3 dekabr 2022 , 21:16