Balakən rayonunda piyadanın vurulması ilə nəticələnən yol-nəqliyyat hadisəsi baş verib.
APA-nın şimal-qərb bürosunun məlumatına görə, hadisə Yevlax-Zaqatala-Gürcüstan sərhəd magistiral yolunun 154-cü kilometrliyində, Balakən rayonu Qullar kəndi ərazisindən keçən hissəsində baş verib.
Balakən rayonu Mazımçay kənd sakini, 1959-cu il təvəllüdlü Məhəmməd Müslüm oğlu İbrahimov idarə etdiyi “QAZ 2705” markalı 10 HH 718 dövlət nömrə nişanlı minik avtomobili ilə şəhər istiqamətində hərəkətdə olarkən yolun sağından soluna keçən piyada, rayonun Qullar kənd sakini, 1945-ci il təvəllüdlü Cavadxan Tacəddin oğlu Şəkiliyevi vurub.
Qəza zamanı müxtəlif dərəcəli bədən xəsarətləri alan C.Şəkiliyev Zaqatala Rayon Mərkəzi Xəstəxanasının reanimasiya şöbəsinə yerləşdirilib.
C.Şəkiliyev xəstəxanaya daxil olduqdan bir qədər sonra aldığı ağır xəsarətlərdən həyatını itirib.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
