Şəkidə avtomobil körpüdən aşaraq, qaz xəttini zədələyib.
"Azəriqaz" İstehsalat Birliyindən Lent.az-a verilən məlumata görə, hadisə mayın 8-də günorta saat 13 radələrində rayonun Kiş kəndi yaxınlığında baş verib. Qəza zamanı “ZİL” markalı yük avtomobili körpünün üzərindən aşıb və bu zaman ərazidən keçən 159 mm diametrində olan qaz xəttini də yararsız hala salıb. Təhlükəsizlik tədbirləri olaraq minə yaxın əhali qrupu abonentinin qaz təchizatı müvəqqəti dayandırılıb.
Bərpa işlərinin həyata keçirilməsi üçün müvafiq tədbirlərin görülməsinə başlanılıb.