Mayın 10-da Yasamal rayonu ərazisində 3 nəfər Bakı şəhər sakini O.Həsənovla mübahisə edib və onlardan biri O.Həsənovun çiyin nahiyəsinə bıçaqla xəsarət yetirərək 20 manat pulunu alıb.
DİN mətbuat xidmətindən Lent.az-a verilən xəbərə görə, bu barədə 28-ci Polis Bölməsinə məlumat daxil olub. O.Həsənova xəstəxanada ilkin tibbi yardım göstərilib.
Dərhal keçirilmiş əməliyyat-axtarış tədbirləri nəticəsində hadisəni törətməkdə şübhəli bilinənlər - paytaxt sakinləri T.Yusubov və Z.Abbasov saxlanılıblar.
Faktla bağlı Yasamal rayon Polis İdarəsində araşdırma aparılır.