Bakının mərkəzində evdən 9 min manatlıq oğurluq edildi - FOTO

Nəsimi rayonu, Bakıxanov küçəsində yerləşən evlərdən birindən oğurluq edilib.

DİN mətbuat xidmətindən Lent.az-a verilən məlumata görə, naməlum şəxslər evə daxil olaraq oradan müxtəlif firmalara məxsus qızıl-zinət, geyim əşyaları, o cümlədən iki ədəd müvafiq sənədləri olan ov tüfəngi oğurlayıblar. Hadisə zamanı zərərçəkən ev sahiblərinə ümumilikdə 9000 manata yaxın maddi ziyan dəyib.

Nəsimi Rayon Polis İdarəsi və 20-ci Polis Bölməsi əməkdaşları tərəfindən həyata keçirilən əməliyyat nəticəsində qeyd edilən hadisəni törətməkdə şübhəli bilinən Əli Allahverdiyev və Etibar Cabbarov saxlanılıb. Hadisə günü saxlanılan şəxslər oğurluğa Etibar Cabbarova məxsus “KİA” markalı avtomobillə gediblər. Onlardan mənzildən oğurlanan əşyaların bir qismi aşkar olunaraq maddi sübut kimi götürülüb.