Azərbaycanda jurnalist bacı-qardaşda koronavirus aşkarlanıb.
Lent.az musavat.com-a istinadən xəbər verir ki, “Palitra” qəzetinin əməkdaşı Nigar Abdullayeva və “Cebhe.info” və “Cumhuriyyət” portallarının əməkdaşı Müşfiq Abdulladan 3 gün əvvəl götürülmüş testlər pozitiv çıxıb.
Yoluxma əvvəlcə M.Abdullanın həyat yoldaşında baş verib, daha sonra jurnalistlər də yoluxublar.
M.Abdullanın xanımında xəstəlik ağciyərlərin pnevmoniyasına səbəb olub.
Ötən həftənin sonlarında təcili tibbi yardım briqadası gələrək onlardan yaxma analizi götürüb. Dünən axşam isə analiz nəticələrinin pozitiv olduğuna dair mesaj alıblar.
Qeyd edək ki, M.Abdulla və N.Abdullayeva bacı-qardaşdırlar.
Bu gün TƏBİB-in həkim briqadası hər üç şəxsi müalicə müəssisəsinə aparıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
