Arvadının boğazını kəsib öldürən kişi saxlanıldı - YENİLƏNİB

Baş Prokurorluq Abşeronda arvadını öldürən kişinin tutulması ilə bağlı rəsmi məlumat yayıb.

Baş Prokurorluğun mətbuat xidmətinin böyük prokuroru Kənan Zeynalov Lent.az-a açıqlamasında bildirib ki, ilkin araşdırmalarla aprelin 29-da saat 21 radələrində 29 yaşlı Anar Bəkirovun Qobu qəsəbəsində yaşadıqları evdə qısqanclıq zəminində 27 yaşlı həyat yoldaşı Leyla Bəkirovaya bıçaqla xəsarətlər yetirib qəsdən öldürməsinə şübhələr üçün əsaslar müəyyən edilib.

Faktla bağlı Abşeron rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb,

Anar Bəkirov cinayət əməlinin törədilməsində şübhəli bilinərək tutulub.

K.Zeynalov həmçinin qeyd edib ki, hazırda iş üzrə zəruri istintaq-əməliyyat tədbirləri davam etdirilir

***

Saat: 10:37

Abşeronda qətl törədilib.

Lent.az-ın məlumatına görə, hadisə Qobu qəsəbəsində qeydə alınıb. Qəsəbə sakini, 29 yaşlı Anar Bəkirov aralarında yaranmış ailə münaqişəsi nəticəsində arvadı, 27 yaşlı Leyla Bəkirovaya çoxsaylı bıçaq xəsarətləri yetirib və boğazanı kəsərək öldürüb.

Faktla bağlı araşdırma aparılır.