65 yaşlı kişini evində öldürən TUTULDU - YENİLƏNİB

Neftçalada həmkəndlisini qətlə yetirən saxlanılıb.

Rayon Prokurorluğundan Lent.az-a verilən məlumata görə, aparılmış araşdırmalarla zərərçəkmişin həmkəndlisi, 38 yaşlı Saleh Qurbanovun şəxsi münasibətlər zəminində aralarında yaranmış mübahisə zamanı kəsici-deşici alətlə xəsarətlər yetirərək Səxavət Əliyevi qəsdən öldürməsinə əsaslı şübhələr müəyyən edilib.

Faktla bağlı Neftçala rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Saleh Qurbanov şübhəli şəxs qismində tutularaq istintaqa cəlb edilib.

İstintaq tədbirləri davam etdirilir.

***

12:43

Neftçalada qətl hadisəsi baş verib.

Lent.az APA-ya istinadən xəbər verir ki, hadisə Neftçala rayonunun Xıllı kəndində baş verib. Həmin kəndin sakini, 38 yaşlı Qurbanov Saleh Valeh oğlu həmyerlisi 65 yaşlı Əliyev Səxavət Məclum oğlunu öz evində bıçaqla qətlə yetirib.

Hadisənin qısqanclıq zəminində baş verdiyi bildirilir.

Faktla bağlı Neftçala rayon prokurorluğunda cinayət işi açılıb, araşdırma aparılır.