Kürdəmirdə qəza: 2 ölü, 3 yaralı

Baş Dövlət Yol Polisi İdarəsinin İstintaq və təhqiqat şöbəsinin müstəntiqi Mahmud Maqsudovun APA-nın yerli bürosuna verdiyi məlumata görə, Bakı şəhər sakini, 1986-cı il təvəllüdlü Əhmədov Elşən Sübhan oğlunun idarə etdiyi 90 BS 317 dövlət nömrə nişanlı, “Mitsubishi Pajero” markalı avtomobil yoldan çıxaraq aşıb.

Qəza nəticəsində E. Əhmədov və sərnişini - Bakı sakini, 1962-ci il təvəllüdlü Məsimov Fazil Qəhrəman oğlu hadisə yerində ölüb.

Avtomobildə olan digər sərnişinlər - Bakı şəhər sakini, 1961-ci il təvəllüdlü Məsimova Ceyran Balaca qızı, onun nəvəsi, 2005-ci il təvəllüdlü Məsimova Aysun Elnur qızı və Tovuz rayon sakini, 1986-cı il təvəllüdlü Əhmədov İlqar Nurəddin oğlu müxtəlif dərəcəli bədən xəsarətləri alıblar.

Onlar Kürdəmir Mərkəzi Rayon Xəstəxanasına yerləşdiriliblər. Faktla bağlı cinayət işi başlanıb, araşdırma aparılır.