Bakıda dəhşətli qətl

Avqustun 16-na keçən gecə Bakıda dəhşətli qətl hadisəsi törədilib. Sabunçu Rayon Prokurorluğundan Lent.az-a verilən məlumata görə, Bilgəh qəsəbəsində 1987-ci il təvəllüdlü Əliyev Rəşad Rəfail oğlu 1990-cı ildə anadan olmuş Əliyev Vasif Akif oğlunu öldürüb.

Məlumata görə, R.Əliyev bıçaqla 21 yaşlı V.Əliyevin başını boynunun ardından kəsməyə cəhd edib. Ağır xəsarət almış gənc isə hadisə yerində ölüb.

Hadisəni törədən şəxslə ölən gənc qonşu olublar. Onlara arasında yaranan mübahisıə isə yekunda dəhşətli hadisə ilə yekunlaşıb.

Faktla bağlı Cinayət Məcəlləsinin qəsdən adam öldürmə (120.1-ci) maddəsi ilə cinayət işi başlanıb.

Nizam RZA