Baytarlıq aptekində xüsusi təhlükəli narkotik vasitə satılırmış

Rayon Polis Şöbəsindən Lent.az-a verilən məlumata görə, Ağstafa şəhərində Ş.Əliyevə məxsus mal-qara dərmanı satışı aptekindən 4 ədəd narkotik xassəli kalium-permanqanat preparatı aşkarlanıb. Qeyri-qanuni dərman satışı ilə məşğul olan Ş.Əliyev saxlanılıb.

Qeyd edək ki, kalium-permanqanat preparatı xüsusi təhlükəli narkotik tərkibli dərmanlardandır. Bu dərman Nazirlər Kabineti tərəfindən “Baytarlıq məqsədi üçün lazım olan narkotik vasitə, psixatrop maddə və onların prekursorlarının siyahısı”na salınıb və xüsusi icazə ilə satışına razılıq verilir.

Nizam RZA