Qubanın 2 kəndində torpaq sürüşməsi olub

APA-nın şimal bürosunun xəbərinə görə, kənddə 20 ev tamamilə uçub, 29 ev isə qəzalı vəziyyətə düşüb. Kənddə torpaq sürüşməsi ardıcıl olaraq davam edib, digər evlər də təhlükəli vəziyyətlə üzləşib. Təqribən 100 hektara yaxın bir sahəni əhatə edən torpaq sürüşməsi ərazidə keçilməz yarğanlar, 1 metr enində iri çatlar əmələ gətirib. Sürüşmə prosesi nisbətən səngisə də, əraziyə ağır texnikanın daxil olması hələ də mümkün deyil. Belə ki, torpaq sürüşməsi ilə əlaqədar olaraq kənddən keçən avtomobil yolu tamamilə yararsız hala düşüb. Bu gün Quba rayonunun Afurca kəndində də torpaq sürüşməsi qeydə alınıb. Kənd sakinlərinin APA-nın şimal müxbirinə verdiyi məlumata görə, kəndə 20 evə ciddi ziyan dəyib. 5 ev isə uçulmaq təhlükəsi ilə üzləşib.