Azərbaycanlı jurnalistin İstanbulda ölümümünün TƏFƏRRÜATLARI - FOTO

Lent.az-ın Türkiyə mediasına istinadən verdiyi məlumata görə, dünən İstanbuldakı xəstəxanalardan birində ürək əməliyyatı keçirən gənc jurnalistin həyatını xilas etmək mümkün olmayıb.

Lent.az-ın əldə etdiyi məlumata görə, keçən həftənin cümə günü müalicə üçün Türkiyəyə gedən 36 yaşlı jurnalist İstanbulun “Memorial” xəstəxanasına yerləşdirilib. Dünən isə ürəyində damar genişlənməsi səbəbindən M.Nadir əməliyyat olunub. Əməliyyat zamanı kriz keçirən M.Nadir daha sonra reanimasiyaya yerləşdirilib və reanimasiya otağında dünyasını dəyişib.

M.Nadirin cənazəsi bu gün İstanbuldakı Bəylikdüzü İxlas Mərmərə Evləri adlanan ərazidə qılınacaq namazdan sonra Azərbaycan paytaxtına gətiriləcək.

Azərbaycan Mətbuat Şurasının sədri Əflatun Amaşov Lent.az-a açıqlamasında dünyasını dəyişmiş jurnalistin dəfni üçün əllərindən gələni edəcəklərini bildirib.

Qeyd edək ki, 36 yaşlı jurnalist 14 il idi ki, İHA-da çalışırdı. 10 il əvvəl ailə həyatı qurmuş gənc jurnalistin 1 övladı qalıb.

Allah rəhmət eləsin.

Nizam RZA