Müdafiə Nazirliyi Ermənistan KİV-in yalanını ifşa etdi

Nazirliyin mətbuat xidmətinin rəis müavini Teymur Abdullayev APA-ya açıqlamasında qeyud edib ki, ermənilər indi də başqa bir təxribata əl atmağa başlayıblar: “Ermənistan kütləvi informasiya vasitələri təxribata əl ataraq guya Azərbaycan tərəfinin cəbhədə həlak olanları əhalidən gizlətməsi və meyitləri xəlvəti dəfn olunması barədə məlumnatlar yayıb. Hətta iki nəfər hərbi qulluqçunun - Ülvi Huseynovun yanvarın 6-da, Zamin Məmmədovun yanvarın 25-də həlak olmalarına baxmayaraq, cəmiyyətdən gizlədildiyini göstərirlər. Halbuki Ülvi Hüseynov həyak olmayıb, yaralanıb və bu barədə məlumat sözügedən vaxt mətbuata verilib. Eyni zamanda Zamin Məmmədovun şəhid olması da dərhal ictimaiyyətə açıqlanıb. İnternetdən azca anlayışı olan hər kəs dünyanın istənilən nöqtəsindən axtarış saytlarına girib yanvar ayında yayılmış bu məlumatı əldə edə bilər. Belə primitiv, savadsız hiylə, öz itkilərini sığortalamaq üçün daxili auditoriyaya hesablanmış cılız və yalançı tədliğat ancaq ermənilərin ağlına gələ bilər”.