Ağdaşda əmi qardaşı qızını güllələdi

Rayon Polis Şöbəsindən APA-nın Şirvan bürosuna verilən məlumata görə, hadisə bu gün saat 17:00 radələrində Ağdaş şəhərində “Qaraçılar” məhəlləsi adlanan yerdə qeydə alınıb.

Ağdaş şəhər sakini 1970-ci il təvəllüdlü Qasımov Hafiz Ağamirzə oğlu ov tüfəngindən qardaşının qızı 1986-cı il təvəllüdlü Qasımova Aytən Adəm qızına ürək, qarın boşluğu və boyun nahiyəsindən atəş açaraq onu qətlə yetirib. A. Qasımovanın iki uşaq anası olduğu bildirilib. Hadisə A. Qasımovanın evində qeydə alınıb.
Məlumata görə, A. Qasımovanın həyat yoldaşı Rusiyada xırda ticarətlə məşğul olur. Hadisənin namus üstündə baş verdiyi bildirilir.
Qardaşı qızını qətlə yetirən əmi könüllü olaraq Polis Şöbəsinə gələrək təslim olub və silahını təhvil verib. Hazırda rayonun hüquq-mühafizə orqanlarının əməkdaşları hadisə yerindədir.

Faktla bağlı Ağdaş rayon Prokurorluğu tərəfindən araşdırma aparılır.