Bakının bəzi yolları bağlanacaq

Bakı şəhər Baş Polis İdarəsinin Dövlət Yol Polisi İdarəsinin şöbə rəisi, polis polkovnik-leytenantı Vaqif Əsədovun Lent.az-a veriyi məlumata görə, tədbirlərin keçirildiyi iki əsas yeri ətrafında: Fəxri Xiyaban və Heydər Əliyev adına Sarayın ətrafındakı yollarda bəzi məhdudiyyətlər tətbiq olunacaq.

Məlumata görə, Mikayıl Müşfiq küçəsinin kəsişməsindən Parlament prospekti ilə Fəxri Xiyaban istiqamətinə bütün avtomobillərin hərəkətinə tam məhdudiyyət qoyulacaq. Həmçinin, Azneft meydanı, Neftçilər, Bülbül prospektləri, R.Behbudov və Füzuli küçələrindən Heydər Əliyev sarayının qarşısındakı park istiqamətinə, həmin yerdə Gül bayramının keçirilməsi ilə əlaqədar avtomobillərin hərəkətinə icazə verilməyəcək.

Tədbir iştirakçılarının təhlükəsizliyini təmin etmək məqsədi ilə bu istiqamətlərdə şəxsi nəqliyyat vasitələrinin saxlanmasının mümkünsüzlüyünü nəzərə alaraq, şəxsi nəqliyyat vasitələrindən mümkün qədər az istifadə etmələri xahiş edilir.

Nizam RZA