Bakıda nişanlı gənclər qəzaya düşdü: 1 ölü, 1 yaralı
05 may 2011 09:50 (UTC +04:00)

Bakıda nişanlı gənclər qəzaya düşdü: 1 ölü, 1 yaralı

Bakı şəhər Yol Polisi İdarəsindən Lent.az-a verilən məlumata görə, saat 18:35 radələrində “Sədərək” ticarət mərkəzinin yaxınlığından keçən dairəvi yolda “Zil” və “VAZ 2107” toqquşub.

Məlumata görə, paytaxt sakini, 1982-ci il təvəllüdlü Əhmədov Vüsal Vidadi oğlunun sürdüyü 10 GF 407 nömrəli “VAZ 2107” şirkətlərdən birinə məxsus HO 04093 nömrə nişanlı “Zil”in qarşısına çıxıb. Nəticədə qəzadan yayınmaq mümkün olmayıb və avtomobildə olan sərnişin, 1992-ci il təvəllüdlü Bağırova Günel Niftalı qızı hadisə yerindəcə keçinib. Sürücü V.Əhmədov isə ağır vəziyyətdə xəstəxanaya yerləşdirilib.

Qeyd edək ki, hadisə nəticəsində ölən qız “VAZ 2107”-nin sürücüsü V.Əhmədovun nişanlısı olub. Onlar yeni nişanlanıbmış.

Nizam RZA
# 520

Oxşar yazılar