Xaçmazda 35 yaşlı kişi intihar etdi
26 aprel 2011 15:35 (UTC +04:00)

Xaçmazda 35 yaşlı kişi intihar etdi

Xaçmaz rayonunda intihar hadisəsi baş verib. Aprel ayının 26-da səhər saatlarında rayonun Müqtədir qəsəbə sakini, 1976-cı il təvəllüdlü Davudov Cavanşir Məcvəddin oğlu həyatına qəsd edib. Lent.az-ın bölgə müxbirinin verdiyi məlumata görə, o, yaşadığı evin həyətində özünü asıb.


Xaçmaz rayon prokurorluğundan Lent.az-a bildirilib ki, ölümün səbəblərini müəyyənləşdirmək üçün tibbi ekspertiza təyin olunub. Ekspertiza keçirildikdən sonra mərhumun ölümünün səbəbləri müəyyənləşəcək. Faktla bağlı Xaçmaz rayon Prokurorluğunda araşdırmalar davam etdirilir.

Qeyd edək ki, bu, son üç gün ərzində Xaçmaz rayonunda 3-cü intihar hadisəsidir. Bundan öncə rayonda 11 və 15 yaşlı iki yeniyetmə intihar edib. İntihara cəhd edən 21 yaşlı oğlanı isə 13 yaşlı bacısı xilas edib.

Vəli Turan
# 372

Oxşar yazılar