Kişini qadın tualetində öldürdülər
03 noyabr 2009 16:45 (UTC +04:00)

Kişini qadın tualetində öldürdülər

Hadisə Xaçmazda baş verib

Xaçmaz şəhəri dəmiryolundakı qadın tualetində qətl hadisəsi baş verib. Lent.az-ın məlumatına görə, Rəhim Abbasov Ağagül Hacıyevi bir neçə bıçaq zərbəsilə qətlə yetirib.

1988-ci il təvəllüdlü Abbasov Rəhim Fuad oğlu Xaçmaz şəhər sakini 1987-ci il təvəllüdlü Hacıyev Ağagül Hacıgül oğlu ilə mübahisə edərək qəsdən öldürmək məqsədi ilə üzərində gəzdirdiyi bıçaqla ona bir neçə dəfə zərbə vurub.

İlkin versiya olaraq iki şəxs arasında gizli bir məsələ olduğu irəli sürülür, hadisənin şəxsi münaqişə zəminində baş verdiyi bildirilir.

Yeri gəlmişkən, qətli törədən Rəhim Abbasov da xəsarət alıb. Saxlanılan şəxs sağ baldırının aşağı hissəsinin kəsilmiş-deşilmiş yaraları ilə rayon mərkəzi xəstəxanasına çatdırılıb.

Faktla bağlı Cinayət Məcəlləsinin 120.1-ci maddəsilə cinayət işi başlanılıb, istintaq aparılır.
# 883

Oxşar yazılar