Daş karxanasında daha bir dəhşətli olay
14 fevral 2011 14:50 (UTC +04:00)

Daş karxanasında daha bir dəhşətli olay

Rayon Prokurorluğundan Lent.az-a verilən məlumata görə, Qızıldaş qəsəbəsindəki daş karxanasının işçisi, Cəlilabad rayon sakini, 1955-ci il təvəllüdlü Nadir Mirzəyev daş kəsən kombaynın altına düşüb.

56 yaşlı kişinin bədəni hadisə nəticəsində bir neçə hissəyə bölünüb.

Qeyd edək ki, oxşar hadisə fevralın 8-də Qaradağ rayonun Çənlibel adlanan ərazisində də qeydə alınıb.


Belə ki, “Gündüz SH” şirkətinə məxsus olan daş karxanasının maşinisti, Zaqatala rayon sakini, 1970-ci il təvəllüdlü Qurbanov Şamil Seyid oğlu daşkəsən texnikanın arasında qalıb. Hadisə nəticəsində 41 yaşlı Ş.Qurbanovun bədəni tikə-tikə olub. Həmin zaman yaxınlıqda xeyli işçi olsa da, onu xilas etmək mümkün olmayıb.


Hər iki faktla bağlı Cinayət Məcəlləsinin 162.2 ( texniki təhlükəsizlik qaydalarının pozulması ağır nəticələrə səbəb olduqda) maddəsi ilə iş başlanılıb.
# 398

Oxşar yazılar