Sutenyor fahişəni döyüb öldürdü

Buna səbəb qanın müştərisinin istəklərini yerinə yetirməməsi olub

İstanbulda ukraynalı fahişə Viktoriya M. müştərisi ilə qeyri-ənənəvi cinsi əlaqəyə razı olmadığı üçün döyülərək öldürülüb.

Lent.az-ın “haberturk.com” saytına istinadən verdiyi xəbərə görə, 1 həftə əvvəl 37 yaşlı Kamal Ö. rus əsilli qadın taciri Ronald S.-a pul verərək 26 yaşlı Viktoriya M. ilə bərabər olmaq barədə razılığa gəlib.

Viktoriya M. müştərisi ilə i bir evdə görüşərək cinsi əlaqəyə girib. Ancaq Kamal Ö. qeyri-ənənəvi formada cinsi əlaqədə olmaq istəyib və “yox” cavabı alıb.

Kamal Ö. “yox” cavabı alandan sonra qapının önündə gözləyən qadın tacirinə məsələni söyləyib. İçəri girən Ronald S. çılpaq halda olan Viktoriya M. ilə əvvəlcə danışıb, sonra isə gənc qadını amansızcasına döyməyə başlayıb.

Ronald S. huşunu itirən Viktoriyanı evdə qoyaraq, oradan uzaqlaşıb. Kamal Ö. gənc qadını hamama aparıb və soyuq suyla ayıltmağa çalışıb. Ancaq onun səyləri nəticə verməyib və təcili yardım çağırıb. Evə gələn həkimlər Viktoriyanın artıq öldüyünü görüblər.

Polis Kamal Ö.-nün ifadəsini alıb və Ronald S.-ni həmin gün yaxalayıb. O, qəsdən adam öldürmə maddəsi ilə həbs edilib.

Ronald S. 2008-ci ildə də cinayət məqsədiylə dəstə yaratmaqda ittiham olunaraq polis tərəfindən göz altına alıb.