Naxçıvanda dəhşətli faciə
11 sentyabr 2009 14:15 (UTC +04:00)

Naxçıvanda dəhşətli faciə

Ana-oğul torpaq qatının altında qalaraq faciəli şəkildə ölüb

Naxçıvan Muxtar Respublikası (NMR) Şərur rayonunun Qarahəsənli kəndində ana və oğulun ölümü ilə nəticələnən bədbəxt hadisə baş verib.

Lent.az-ın məlumatına görə, torpaq qatının uçması nəticəsində kənd sakinləri 1968-ci il təvəllüdlü Əhmədova Məlahət Ələkbər qızı və onun oğlu, 1995-ci il təvəllüdlü Əhmədov Nəriman Fərrux oğlu faciəli şəkildə ölüblər.

Kənd sakinlərinin sözlərinə görə, hadisə təndir hazırlanması üçün istifadə olunan dərin qatda gil-torpaq qatı yığılarkən baş verib. Torpaq layı ana-oğulun üstünə uçub. Nəticədə onlar torpaq altında qalıblar.

Faktla bağlı hüquq-mühafizə orqanları tərəfindən araşdırma aparılır.
# 394

Oxşar yazılar