Bakıda yataqxanada baş verən partlayışda 1 nəfər ölüb -YENİLƏNİB
04 fevral 2011 19:43 (UTC +04:00)

Bakıda yataqxanada baş verən partlayışda 1 nəfər ölüb -YENİLƏNİB

Azərbaycanda məcburi köçkünlərin məskunlaşdığı yataqxanada baş verən yanğında bir nəfər ölüb. Bu barədə APA-ya Yasamal rayon polis idarəsindən bildirilib.

Məlumata görə, dünyasını dəyişən, yataqxanada məskunlaşan məcburi köçkün Rəhman Cəfərovdur. Hadisə zamanı daha 7 nəfərin xəsarət aldığı bildirilir.

Qeyd edək ki, məlum hadisə bu gün axşam saatlarında, Yasamal rayonu, Şərifzadə küçəsində 1 ünvanında yerləşən, İnşaat Universitetinə məxsus yataqxanada qeydə alınıb. Hadisə yerinə 15 yanğınsöndürən maşın cəlb edilib. Yataqxanada olan şəxslər evikuasiya edilib. Həyata keçirilən tədbirlər nəticəsində yanğının qarşısı alınıb.

Bakı şəhər Təcilli Tibbi Yardım Stansiyasının baş həkimin müavini Rauf Nağıyev APA-ya açıqlamasında bildirib ki, hadisə yerindən müxtəlif xəsarətlərlə bir neçə nəfər xəstəxanalara aparılıb.

Yanğının baş verməsinə isə qaz sızmasından meydana gələn ani partlayış səbəb olub.
1 2 3 4 5 İDMAN XƏBƏRLƏRİ
# 507

Oxşar yazılar