Abdulla Şaiqin nəvəsini maşın vurub

Tənha yaşayan 71 yaşlı Kamal Rzayevin ayağı sınıb
Ötən gün axşam saat 20:00 radələrində Yasamal rayonu ərazisində yol qəzası qeydə alınıb.

Lent.az-ın “ANS TV”-yə istinadən məlumatına görə, Fəxri Xiyabanın qarşısında yolu keçmək istəyən piyada Kamal Rzayev naməlum maşın tərəfindən vurulub. Qəzanı törədən sürücü isə hadisə yerindən qaçıb.
Yaralı Kamal Rzayev sol ayağının sınığı diaqnozu ilə 1 saylı şəhər xəstəxanasına yerləşdirilib və hazırda stasionar müalicə alır. Hadisə yerinə Yasamal rayon dövlət Yol Partrul Xidmətinin və Yasamal Rayon Polis İdarəsinin əməkdaşları cəlb olunub. Hazırda qəzanı törədən sürücünün kimliyi araşdırılır.
Sakinlərin bildirdiyinə görə, tənha yaşayan elm xadimi 71 yaşlı Kamal Rzayev XX əsrin görkəmli şairi Adbulla Şaiqin nəvəsidir.