Oğuz rayonunda at oğrusu tutuldu

Bu barədə Lent.az-a Oğuz rayon Polis Şöbəsindən məlumat verilib. Məlumatda bildirilir ki, Oğuz rayonu Böyük Söyüdlü kənd sakini Yusibov Babakişi Rizvan oğlu Oğuz rayon Polis Şöbəsinə ərizə ilə müraciət edərək özünə məxsus bir baş atın oğurlanması barədə məlumat verib. Oğuz RPŞ-nin əməliyyat-axtarış qrupunun keçirdikləri əməliyyat-axtarış tədbirləri nəticəsində məlum olub ki, Babakişi Yusibova məxsus atı Ağdaş rayonu Bulaq otağı kənd sakini, 1989-cu il təvəllüdlü Abdullayev Qismət Yavər oğlu oğurlayıb.

Keçirilmiş tədbirlər nəticəsində Qismət Abdullayev Oğuz rayon PŞ-ə gətirilib. İlkin istintaq zamanı Qismət Abdullayev Babakişi Yusibova məxsus atı oğurladığı etiraf edib. İstintaq zamanı məlum olub ki, Qismət Abdullayev Babakişi Yusibovun həmkəndlisi Novruzov Aslan Əfqan oğluna məxsus bir baş atı da oğurlayıb.

Faktla bağlı Oğuz RPŞ-də Qismət Abdullayev barəsində CM-nin 177.1 maddəsilə cinayət işi başlanıb, istintaq əməliyyat tədbirləri davam etdirilir.

Vüqar Heydərov