Türkiyədə azərbaycanlı “donuz qripi” şübhəsi ilə saxlanılıb

Naxçıvandan İqdıra gedən həmyerlimizdə A/H1N1 virusu aşkarlanmayıb

Türkiyənin İqdır vilayətində Azərbaycan vətəndaşı “Donuz qripi” şübhəsi ilə sərhəddə saxlanılıb.

Lent.az-ın “cihan”a istinadən məlumatına görə, xəstəxanaya aparılan azərbaycanlı Füzuli Kərimovda A/H1N1 virusu aşkarlanmayıb.
Füzuli Kərimov Türkiyəyə Naxçıvandan keçib. O, sərhəddə “Donuz qripi” şübhəsilə saxlanılıb və dərhal İqdır Dövlət Xəstəxanasına aparılıb. İlk müayinə nəticəsində onun soyuqladığı, normal qrip olduğu müəyyənləşib.

Füzuli Kərimov “İstanbula gedirdim, amma məni xəstəxanaya gətirdilər. İki gündür, ağrıyırdım, qrip olduğumu dedilər, müalicə alandan sonra İstanbula gedəcəyəm”, - deyib.

Vilayətin valisi Saim Saffet Karahisarlı da azərbaycanlının normal qrip olduğunu söyləyib.