Polis şöbəsindən qaçan şəxslər tutuldu

Hüquq-mühafizə orqanlarından Lent.az-a verilən məlumata görə, 1987-ci il təvəllüdlü Eminov Elşən Xəlil oğlu rayonun İncə kəndi ərazisində yanvarın 25-də gecə saatlarında ələ keçirilib. 1986-cı il təvəllüdlü Əsgərov Xəyal Şakir oğlu isə bu gün səhər saatlarında yaxalanıb.

Qeyd edək ki, E.Eminov 2010-cu ilin noyabrın 23-də Cinayət Məcəlləsinin 177-ci (oğurluq) maddəsi ilə, X.Əsgərov isə həmin ilin dekabrın 13-də 234-cü (narkotik vasitələrin qanunsuz dövriyyəsi) ilə təqsirləndirilərək həbs olunubmuş.

Məlumatda bildirilir ki, hər iki şəxs təcridxanadan qaçdıqdan sonra hələlik müəyyənləşdirilməmiş avtomobillə naməlum istiqamətə gedib.

Hər iki şəxsin barəsində Cinayət Məcəlləsinin 304-cü (azadlıqdan məhrum etmə yerindən, həbsdən və ya mühafizə altından qaçma) maddəsi ilə əlavə cinayət işi başlanıb.

Nizam Rza