Bakıda oğru dəstəsi yaxalanıb

Yanvarın 19-na keçən gecə Sabunçu rayonu Bakıxanov qəsəbəsində qəsəbə sakini Azər Babayevə məxsus mağazadan qıfılı sındırmaq yolu ilə 70 manat pul və ərzaq məhsulları oğurlanıb.

Daxili İşlər Nazirliyinin mətbuat xidmətindən Lent.az-a verilən məlumata görə, Sabunçu Rayon Polis İdarəsinin 13-cü Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakinləri, əvvəllər məhkum olunmuş Nicat Qarayev, Rza Cəfərov, Məhəmməd Mustafayev, Elşən Əli oğlu, Cavid Səfərov və qardaşı Kənan saxlanılıblar.

Aparılmış araşdırmalar nəticəsində onların yanvarın 16-na keçən gecə M.Fətəliyev küçəsində Bakı şəhər sakini Ramiz Hümbətova məxsus mağazadan 700 manat pul, yanvarın 17-nə keçən gecə A.Alı küçəsində Bakı şəhər sakini Şahin Allahverdiyevə məxsus mağazadan 300 manat pul və danışıq kartlarını oğurlamaları da müəyyən edilib.