“Kurtlar Vadisi”nin aktyoru ölümdən döndü

“Kurtlar Vadisi Pusu” teleserialında “müşavir Ünsal Kemal” xarakterini canlandıran teatr və film aktyoru Mesut Akusta avtomobil qəzası keçirib. Lent.az-ın “haberturk.com” saytına istinadən verdiyi məlumata görə, qəza bu gün sabah saatlarında İstanbulda Piyalepaşa bulvarı istiqamətində baş verib.

Mesut Akustanın idarəetməni itirməsi nəticəsində avtomobil öncə yolun sağındakı, sonra da solundakı maneəyə çırpılıb. Avtomobilə böyük ziyan dəyib. Qəza vaxtı təhlükəsizlik kəməri bağlı olduğu üçün Mesut Akusta və yanındakı Hikmet Ferruh Okan sağ qalıblar. Mesut Akusta avtomobildən üzü yaralı halda çıxarılıb və təcili tibbi yardım maşını ilə xəstəxanaya çatdırılıb. Hikmet Ferruh Okan isə yüngül yaralanıb və avtomobilin yanında polislərin gəlməsini gözləyib.

Şişli Memorial Xəstəxanasına aparılan Mesut Akustanın vəziyyəti haqqında məlumat verən professor Cenk Şen deyib ki, aktyorun həyatı üçün təhlükə yoxdur. O, aktyorun üzündə bir neçə qırış aşkarladıqlarını və onun əməliyyat ediləcəyini söyləyib. Əməliyyatdan bir neçə gün sonra Mesut Akusta evə buraxılacaq.