Tümendə narkotikə görə saxlanılar azərbaycanlılar ölkəmizə təhvil veriləcəklər

Yanvarın 11-dən qüvvəyə minən qanuna uyğun olaraq, qanunsuz narkotik vasitə dövriyyəsi ilə bağlı Rusiyada saxlanılan xarici ölkə vətəndaşları deportasiya ediləcəklər.

Lent.az-ın Rusiya mətbuatına istinadən verdiyi məlumata görə, 2010-cu ildə Tümen vilayətində narkotik vasitələrin qanunsuz dövriyyəsinə görə 17 nəfər saxlanılaraq cinayət məsuliyyətinə cəlb olunublar.

Saxlanılanların əksəriyyəti Azərbaycan və Tacikistan vətəndaşlarıdır. Onlar öz ölkələrinin hüquq-mühafizə orqanlarına təhvil veriləcəklər.

Rusiya qanunvericiliyinə görə, qanunsuz narkotik vasitə dövriyyəsinə görə tətbiq olunan cərimənin də miqdarı artırılıb. Fiziki şəxslər üçün bu cərimə məbləği 50 min rubla qədər, hüquqi şəxslər üçün isə 800 min - 1 milyon rubl civarındadır.