Bakı-Quba yolunda “Mercedes” aşıb, 1 nəfər xəsarət alıb

Yanvar ayının 11-i saat 14-00 radələrində Bakı-Qubaı yolunun 147-ci km-də yol nəqliyyat hadisəsi baş verib. Bakı şəhər sakini 1958-ci il təvəllüdlü Mehman Əlizaman oğlu Əliyevin idarə etdiyi 90 FC 574 dövlət nömrə nişanlı “Mercedes” markalı avtomaşın yoldan çıxaraq aşıb.

Hadisə Quba rayonu Paşaoba kəndi ərazisində baş verib. Lent.az-ın bölgə müxbirinin verdiyi məlumata görə, sürücü Mehman Əliyev müxtəlif bədən xəsarətləri ilə Quba Mərkəzi Rayon Xəstəxanasına çatdırılıb. Xəstəxananın cərrahı Pərviz Məhsimovun sözlərinə görə, Mehman Əliyevin vəziyyəti orta ağırdır. Hadisənin baş vermə səbəblərini araşdıran Baş Dövlət Yol Polis İdarəsinin əməkdaşı Elvin Hacıbutayev deyib ki, ilkin versiya kimi yolun sürüşkən olması səbəb göstərilsə də, sürücünün sükan arxasında yatması ehtimalı da var.

Hadisənin baş vermə səbəbinin təyin olunun avtotexniki ekspertizadan sonra müəyyən olunacaq.

Vəli Turan