80 yaşlı qadın faciəli şəkildə öldü

Yanvarın 8-də saat 19:30 radələrində Xaçmaz rayonunda ölümlə nəticələnən yol nəqliyyat hadisəsi baş verib. Xaçmaz rayon Qoçaqlı kənd sakini 46 yaşlı Durnayev Cavad Məclum oğlu idarə etdiyi “Vaz-21063” markalı, 10 DR 096 dövlət nömrə nişanlı avtomobillə 80 yaşlı piyadanı vurub.

Lent.az-ın bölgə müxbirinin verdiyi məlumata görə, hadisə İsmət Qayıbov küçəsində baş verib. Cavad Durnayev Xaçmaz şəhər sakini, 1930-cu ildə anadan olan Paşayeva Seyidxanım Əsədağa qızını vurub. O, dərhal Xaçmaz Mərkəzi Rayon Xəstəxanasına çatdırılıb. Həkimlərin səyinə baxmayaraq, Seyidxanım Paşayevanın həyatını xilas etmək mümkün olmayıb. Piyada aldığı xəsarətlərdən dünyasını dəyişib.

Xaçmaz rayon Polis Şöbəsininin İstintaq Bölməsinin müstəntiqi Elşən Mürsəliyev Lent.az-a bildirib ki, faktla bağlı Cinayət Məcəlləsinin 263.2 maddəsi ilə cinayət işi başlanıb, araşdırmalar davam etdirilir.

Vəli Turan