Bakıda dəhşətli qəza: 3 yaşlı körpə öldü

Yanvarın 6-da Bakıda 3 yaşlı körpənin ölümü ilə nəticələnən yol qəzası baş verib. Binəqədi rayon Polis idarəsindən Lent.az-a verilən məlumata görə, Dərnəgül qəsəbəsi ərazisində yüksək sürətlə hərəkət edən “Mercedes” markalı avtomobil yolu keçmək istəyən ana və balanı vurub.

1975-ci il təvəllüdlü Bakı şəhər sakini Əliyev Zaur Kamal oğlu idarə etdiyi maşınla 1980-ci il təvəllüdlü Əliyeva Güləbatın Abbas qızını və oğlu 2007-ci ildə anadan olmuş Sadıqov Sevlan Araz oğlunu vurub.

3 yaşlı körpə aldığı xəsarətlərdən hadisə yerindəcə keçinib. G.Əliyeva isə ağır xəsarətlərlə xəstəxanaya yerləşdirilib.

Faktla bağlı araşdırma aparılır.

Nizam Rza