“Eren Turgut” gəmisində xəsarət alan Surəddin Həmzəyevin durumu ağırdır

Dekabrın 24-də İngiltərə ilə Fransanı ayıran La-Manş boğazında Türkiyəyə məxsus “Eren Turgut” yük gəmisində baş vermiş yanğın zamanı xəsarət alan Azərbaycan vətəndaşı Surəddin Həmzəyevin durumu ağırlaşıb.

Lent.az-ın Türkiyənin “Zaman” qəzetinə istinadən verdiyi məlumata görə, xəstəxanada yerləşdirilmiş 3 yaralıdan biri olan Türkiyə vətəndaşı Mustafa Oturur artıq həyatını itirib.

Surəddin Həmzəyev bərabər, Türkiyə vətəndaşı olan Göngör Ünalımın da vəziyyəti ağır olaraq qalır.

Qeyd edək ki, hadisə baş verən zaman gəmidə 14 nəfərlik heyət olub. Gəmi heyəti Böyük Britaniyanın Sahil Mühafizə Xidməti tərəfindən xilas edilib.
Gəmi Seneqalın paytaxtı Dakardan İngiltərənin Liverpul şəhərinə yük daşıyırmış.

Hazırda “Eren Turgut” gəmisi Hollandiyada təmir olunur.