Moskvada azərbaycanlılarda tutulan milyonlar gömrükdən keçibmiş
22 dekabr 2010 16:19 (UTC +04:00)

Moskvada azərbaycanlılarda tutulan milyonlar gömrükdən keçibmiş

Dekabrın 16-da Moskvanın “Vnukovo” aeroportunda saxlanılan 3 Azərbaycan, 1 İran vətəndaşının çamadanlarında aşkarlanan 14,5 milyon dollar və 4 milyon avro ilə bağlı yeni xəbər var.

Lent.az-ın Türkiyənin NTV telekanalına istinadən verdiyi məlumata görə, bu şəxslərin dekabrın 14-də İstanbulun Atatürk hava limanında bu pullarla bağlı gömrük bəyannaməsi verdikləri məlum olub.

Qeyd edək ki, bu şəxslər Moskvada böyük məbləğdə nağd pulu gömrükdən gizlətmələri əsas gətirilərək saxlanıblar. Onlar qaçaqmalçılıqda ittiham olunublar. Pulların Türkiyədə gömrük bəyannaməsində qeyd olunduğu məlum olsa da, hələ də saxlanılanların və pulun gerçək sahibinin şəxsiyyəti açıqlanmayıb.
# 143

Oxşar yazılar