Goranboyda qəribə olay: ölümcül bıçaqlanan şəxs yıxıldığını deyir
15 dekabr 2010 18:33 (UTC +04:00)

Goranboyda qəribə olay: ölümcül bıçaqlanan şəxs yıxıldığını deyir

Rayon Polis İdarəsindən Lent.az-a verilən məlumata görə, hələlik şəxsiyyəti istintaqa məlum olmayan şəxs Dəliməmmədli qəsəbə sakini Zaur Ağayevi bıçaqlayıb.

Z.Ağayev qolundan və kürək nahiyəsindən aldığı ağır xəsarətlərlə Goranboy rayon xəstəxanasına gətirilib. Həkimlərin səyi nəticəsində çoxlu qan itirmiş zərəçəkənin həyatını xilas etmək mümkün olub.

Məlumatda o da bildirilir ki, Z.Ağayev ilkin ifadəsini də verib. Lakin o, onu bıçaqlayan şəxsin adını gizlətməyi üstün tutub. Belə ki, zərərçəkən gah yıxıldığını, gah da tanımadığı şəxsin hücumuna məruz qaldığını deyib. Onun vəziyyəti ağır olduğundan və səhhətinə mənfi təsir göstərə biləcəyindən hüquq-mühafizə orqanları nümayəndələri Z.Ağayevin nisbətən yaxşılaşmasını və daha sonra danışmasını gözləməyə qərar veriblər.

Faktla bağlı cinayət işi başlanıb, araşdırma aparılır.

Nizam Rza
# 614

Oxşar yazılar