Komada olan zəvvarımız reanimobildə Suriyadan Azərbaycana gətirilir

Bu barədə APA-ya QMİ mətbuat xidmətinin rəhbəri Rəhimə Dadaşova məlumat verib.

R. Dadaşova zəvvarın indiyədək gətirilməməsinin səbəbi kimi onun koma vəziyyətində olmasını göstərib: “Onun komadan ayılmaması ilə əlaqədar ölkəyə gətirilməsi çətin idi. 84 yaşlı Hacı hələ də komadadır. Lakin Qafqaz Müsəlmanları İdarəsi onun indiki vəziyyətində olsa belə, ölkəyə gətirilməsi üçün lazımi işləri görüb”.

R. Dadaşova bildirib ki, Hacını ölkəyə gətirməkdən ötrü QMİ öz hesabına Türkiyənin özəl xəstəxanalarından birindən reanimobil icarəyə götürüb. Reanimobilin içərisində xəstəni daimi nəzarətdə saxlamaq üçün həkim də var. Hacının oğlu da QMİ-nin hesabına Suriyaya gedib. Komada olan Hacı ölkəyə reanimobildə həkimin nəzarəti və oğlunun müşayiəti ilə Azərbaycana gətirilir.

APA-nın əldə etdiyi məlumata görə, QMİ reanimobili icarəyə götürmək üçün Türkiyənin özəl xəstəxanalarından birinə 10 min dollar ödəyib.