Balakəndə 18 yaşlı oğlan əmisi oğlunu qətlə yetirdi
01 dekabr 2010 10:58 (UTC +04:00)

Balakəndə 18 yaşlı oğlan əmisi oğlunu qətlə yetirdi

Noyabrın 30-da Balakən rayonunda qətl hadisəsi törədilib. Rayon prokurorunun köməkçisi Ceyhun Hümbətovun Lent.az-a verdiyi məlumata görə, Sarıbulaq kənd sakini, 1992-ci il təvəllüdlü Xəlilov Orxan Elman oğlu 1981-ci il doğumlu Xəlilov Fərrux Fərman oğlunu bıçaqlayaraq öldürüb. F.Xəlilovun döş qəfəsindən aldığı zərbələr nəticəsində hadisə yerində keçinib. O.Xəlilov isə hadisə yerindən qaçıb. Lakin rayonun hüquq-mühafizə orqanları onu çox keçmədən yaxalayıb. Hazırda qətlin törədildiyi ərazidə yoxlamalar aparılır.


Qeyd edək ki, qətli törədən şəxs mərhumun doğma əmisi oğludur. Onların mübahisəsinin nə üstündə düşməsi hələlik məlum deyil.

Faktla bağlı rayon prokurorluğunda Cinayət Məcəlləsinin 120.1 (qəsdən adam öldürmə) maddəsi ilə iş başlanılıb.

Nizam Rza
1 2 3 4 5 İDMAN XƏBƏRLƏRİ
# 539

Oxşar yazılar