Sabiq polis rəisi Natiq Əfəndiyev həbsdən çıxdı

Gəncə şəhər Polis İdarəsinin sabiq rəisi Natiq Əfəndiyev bu gün azadlığa çıxıb. 9 saylı təcridxanada cəza çəkən sabiq polis rəisi elə bu gün Gəncəyə yola düşüb.

Natiq Əfəndiyev Lent.az-a açıqlamasında deyib ki, 5 illik həbs müddəti bu gün başa çatıb və təcridxanadan səhər saatlarında buraxılıb. Hazırda o, ailəsi ilə görüşmək üçün Gəncəyə gedir.

Xatırladaq ki, N.Əfəndiyev 5 il əvvəl dövlət çevrilişinə cəhd ittihamı ilə həbs olunsa da sonradan onun maddəsi başqa bir maddə ilə (qanunsuz silah saxlama) əvəzlənib.

O, ilk dəfə 2000-ci ilin yanvar ayında həbs olunub. 2005-ci ilin mart ayında əfv fərmanı ilə azadlığa çıxan Natiq Əfəndiyev bir neçə aydan sonra yenidən həbs olunmuşdu.

Keçmiş polis rəisi həbsdən sonra ilk müsahibəni Lent.az-a verəcəyini vəd edib.

Elxan SALAHOV