İki “07” toqquşdu: 1 ölü, 3 yaralı

Oktyabrın 17-də saat 21 radələrində Biləsuvar şəhərinin Heydər Əliyev prospektində ağır yol-nəqliyyat hadisəsi baş verib. Rayon Polis İdarəsindən Lent.az-a verilən məlumata görə, hadisə “VAZ 2107” markalı iki avtomobilin toqquşması nəticəsində baş verib. Belə ki, Cəfərov Alim Əliqulu oğlunun (1971) idarə etdiyi 90 HK 207 dövlət nömrə nişanlı maşın qarşıdan gələn Əsgərov Saməddin Ələddin oğlunun (1987) sürdüyü 10 FC 367 nömrə nişanlı avtomobilin yoluna çıxıb.

Hadisə nəticəsində avtomobillər qarşı-qarşıya toqquşub.

A.Cəfərov qəza yerindəcə keçinib. Onun sərnişinləri Qılıncova Sevinc Feyruzəli qızı (1978), Cəfərov Əli Alim oğlu (2005), habelə digər maşında əyləşən Hüseynov Murad Valeh oğlu (1986) bədən xəsarətləri ilə rayon mərkəzi xəstəxanasına yerləşdirilib. Onların vəziyyətinin orta olduğu bildirilir.

Faktla bağlı araşdırma aparılır.

Nizam Rza