İraqda minaya düşən zəvvarlar avtobusda deyil, “Hyundai” markalı maşında olublar
14 oktyabr 2010 18:48 (UTC +04:00)

İraqda minaya düşən zəvvarlar avtobusda deyil, “Hyundai” markalı maşında olublar

Xarici İşlər Nazirliyinin mətbuat xidmətinin əməkdaşı Elman Abdullayevin APA-ya verdiyi məlumata görə, minaya düşərək partlayan azərbaycanlı zəvvarların getdiyi avtobus deyil, onun arxasınca gələn “Hyundai” markalı maşın olub. Ölən və yaralananlar məhz həmin maşında olan azərbaycanlı zəvvarlardır. Avtobusda olan zəvvarlarımız isə Kərbəlaya sağ-salamat çatıblar.

Diplomatın sözlərinə görə, hadisə zamanı soydaşlarımızdan İntiqam Rüstəmov həlak olub, Elvin Aslanov, Abdullayev Elçin Tahir oğlu və Abdullayev Elçin Vahid oğlu yaralanıblar. Ayağından yaralanan Elvin Aslanov Bağdada aparılıb və orada cərrahiyyə əməliyyatı olunub. Azərbaycanın İraqdakı səfirliyi vətəndaşlarımızın durumunu nəzarət altında saxlayır. XİN əməkdaşı nazirliyin hələ bir müddət əvvəl Azərbaycan vətəndaşlarına İraqa səfərdən çəkinməyi tövsiyə etdiyini xatırladıb.
# 544

Oxşar yazılar