Qaradağda ağır qəza: 1 ölü, 10 yaralı

Lent.az-ın Daxili İşlər Nazirliyinin saytına istinadən verdiyi xəbərə görə, Elnur Kərimovun idarə etdiyi “Hyundai” markalı maşınla Qobustan qəsəbə sakini Nurbala Babayevin 155 №-li xətt üzrə idarə etdiyi “Mercedes-410” markalı mikroavtobus toqquşub. Nəticədə Kərimovun sərnişinlərindən anası Vəzifə Kərimova hadisə yerindəcə ölüb. Xəsarət almış hər 2 sürücü və E.Kərimovun digər sərnişini, arvadı İlahə, habelə N.Babayevin sərnişinləri, Sahil qəsəbə sakinləri İlahə Mirzəyeva, Akif Daşdiyev, onun arvadı Səidə, Mərcan Yusifova, onun gəlini Svetlana, nəvələri İlahə və Gülnar xəstəxanaya yerləşdirilib.

İlahə Kərimovanın vəziyyəti ağır, E.Kərimovun, N.Babayevin və A.Daşdiyevin vəziyyətləri qənaətbəxşdir. Digərləri isə ilkin tibbi yardım göstərildikdən sonra evə buraxılıb. Hadisə ilə bağlı araşdırma aparılır.