Ata və oğulun boğulduğu məşum quyu –

Xəbər verdiyimiz kimi, bu gün saat 11:00 radələrində Bakı şəhər, Nizami rayonu Babək prospekti 38 ünvanında bədbəxt hadisə baş verib. Kanalizasiya quyusuna düşən 2 nəfər ölüb, 1 nəfər isə ağır vəziyyətdə xəstəxanaya çatdırılıb. Ölənlər 1965-ci il təvəllüdlü Əli Əhmədov və onun oğlu, 1990-cı il təvəllüdlü Səbuhi Əhmədovdur. Xəstəxanaya çatdırılan 28 yaşlı Dursun Məmmədovun vəziyyəti isə ağırdır.

Lent.az-ın əməkdaşı hadisə yerində olub. Biz hadisə yerinə çatanda meyitlər və yaralı oradan aparılmışdı. Ətrafda sadəcə post-patrul xidmətinin əməkdaşları vardı. Dəmir qapağı olmayan quyunun üstü taxta parçası ilə örtülü idi. Qapağı açanda təxminən 10-12 metr dərinliyindəki quyunun dibində neft-mazut qalıqlarının olduğu və ləpələndiyi aydın görünürdü. Quyunun içində həlak olmuş şəxslərin çəkələkləri də qalmışdı.

Nizam Rza